ჩვენი ისტორია

აკაკი ბენდელიანი 15 წელზე მეტია წარმატებით მოღვაწეობს როგორც თერაპიული, ისე ქირურგიული პაროდონტოლოგიის მიმართულებით. მისი პროფესიული მისიაა, დანერგოს ღრძილთა დაავადებების მკურნალობის უახლესი, საერთაშორისო სტანდარტები და აამაღლოს პაციენტების ცნობიერება პირის ღრუს ჯანმრთელობის მნიშვნელობის შესახებ. იგი გახლავთ საქართველოს პაროდონტოლოგთა ასოციაციის აჭარის რეგიონული წარმომადგენელი.
ძირითადი მიმართულებები:

• ღრძილთან დაკავშირებული დაავადებების (გინგივიტი, პაროდონტიტი, რეცესია) კონსერვატიული და ქირურგიული მეთოდებით მკურნალობა.
• პირის ღრუს პროფესიული ჰიგიენის ჩატარება და პაციენტისთვის ინდივიდუალური მოვლის საშუალებების შერჩევა.
• ღრძილის პლასტიკური და რეკონსტრუქციული ქირურგია.
• კბილების შინირება პაროდონტიტის დროს.

განათლება და კვალიფიკაცია: დაამთავრა თბილისის სამედიცინო აკადემიის სტომატოლოგიის ფაკულტეტი. არის საქართველოს პაროდონტოლოგთა ასოციაციის (Geo Perio) აქტიური წევრი და სპიკერი. კვალიფიკაციის ამაღლების მიზნით, გავლილი აქვს არაერთი საერთაშორისო კონგრესი და მასტერკლასი, მათ შორის ბერლინში, კიევსა და ბაქოში. არის მრავალი სამეცნიერო-პრაქტიკული კონფერენციის აქტიური მონაწილე როგორც საქართველოში, ისე მის ფარგლებს გარეთ.

დაამთავრა თბილისის სახელმწიფო სამედიცინო უნივერსიტეტის სტომატოლოგიის ფაკულტეტი. არის საქართველოს სტომატოლოგთა ასოციაციის წევრი. რეგულარულად ესწრება პროფესიულ სემინარებსა და მასტერკლასებს თერაპიული სტომატოლოგიის მიმართულებით.
"როგოს" პროფესიონალთა გუნდს 2023 წელს შემოუერთდა.

ბაკურ ნაკაშიძის მთავარი პროფესიული მიდგომაა, პაციენტებს შესთავაზოს უახლეს, ციფრულ ტექნოლოგიებზე დაფუძნებული ორთოდონტიული მკურნალობა. მას სჯერა, რომ თანამედროვე მეთოდების ინტეგრირება კლინიკურ პრაქტიკასა და აკადემიურ საქმიანობაში იდეალური შედეგის საწინდარია.
ძირითადი მიმართულებები:
თანამედროვე ციფრული ორთოდონტია.
საფეთქელ-ქვედა ყბის სახსრის დისფუნქციების მკურნალობა.
ორთოგნათიული ქირურგიისთვის პაციენტების მომზადება.
ბრეკეტ-სისტემებითა და გამჭვირვალე კაპებით (ელაინერებით) მკურნალობა.
განათლება და კვალიფიკაცია: 2017 წელს დაამთავრა თბილისის სახელმწიფო სამედიცინო უნივერსიტეტის სტომატოლოგიის ფაკულტეტი. 2019 წელს კი, თბილისში, „ნიუ დენტის“ ბაზაზე გაიარა რეზიდენტურა ორთოდონტიაში. კვალიფიკაციის ამაღლების მიზნით, გავლილი აქვს არაერთი საერთაშორისო კურსი, მათ შორის ოდესაში (უკრაინა) ორთოგნათიისა და სახსრის დისფუნქციების მკურნალობის მიმართულებით და პროფესორ გვიდო სამპერმანსის 10-მოდულიანი კურსი თანამედროვე ციფრულ ორთოდონტიაში.
პროფესიული გამოცდილება: 2018 წლის მაისიდან არის ინოვაციური მედიცინისა და სტომატოლოგიის ცენტრ „როგოს“ ექიმი-ორთოდონტი.
2023-2024 წლებში მოღვაწეობდა ბაუ-ს საერთაშორისო უნივერსიტეტის ინგლისურენოვანი ფაკულტეტის ლექტორად.

მთავარი პროფესიული პრინციპია რთული კლინიკური შემთხვევების გადაჭრა თანამედროვე, საერთაშორისო პროტოკოლების გამოყენებით. მისი ფართო ცოდნა და მრავალმხრივი პრაქტიკული გამოცდილება უზრუნველყოფს პაციენტებისთვის უსაფრთხო და ეფექტურ ქირურგიულ მომსახურებას.
ძირითადი მიმართულებები:
დენტალური იმპლანტოლოგია და ძვლის აუგმენტაცია (ძვლოვანი ქსოვილის აღდგენა).
რთული ექსტრაქციები (კბილების ამოღება).
რბილი ქსოვილების პლასტიკა და პერიოქირურგია.
ყბა-სახის არეში არსებული ჩირქოვანი-ანთებითი პროცესების მკურნალობა.
ტრავმული დაზიანებების ქირურგიული მართვა.
კისტებისა და კეთილთვისებიანი წარმონაქმნების მოცილება.
ჰაიმორის ღრუს ოპერაციები (სინუს-ლიფტინგი).
განათლება და კვალიფიკაცია: დაამთავრა სახელმწიფო სამედიცინო უნივერსიტეტი, რის შემდეგაც გაიარა რეზიდენტურა ბელარუსში. პროფესიული განვითარების მიზნით, გავლილი აქვს სპეციალიზებული გადამზადების კურსები დენტალურ იმპლანტოლოგიასა და პერიოქირურგიაში. არის არაერთი საერთაშორისო კონფერენციისა და კონგრესის აქტიური მონაწილე ისეთ ქვეყნებში, როგორებიცაა თურქეთი, პოლონეთი, უნგრეთი, იტალია და სამხრეთ კორეა.

ლია ზოიძე არის კლინიკა „როგოს“ გუნდის ერთ-ერთი პირველი წევრი, რომელიც კლინიკის დაარსების დღიდან ზრუნავს პაციენტების ჯანსაღ ღიმილზე. მისი პროფესიული მიდგომა ემყარება მრავალწლიან პრაქტიკულ გამოცდილებასა და კვალიფიკაციის მუდმივ ამაღლებას, რაც დასტურდება მის მიერ არაერთ კონგრესსა თუ მასტერკლასში აქტიური მონაწილეობით.
ძირითადი მიმართულებები:
თერაპიული სტომატოლოგია.
კბილების ესთეტიკური რესტავრაცია.
ენდოდონტიური მკურნალობა.
კარიესის პრევენცია და მკურნალობა.
განათლება და კვალიფიკაცია: დაამთავრა ბათუმის შოთა რუსთაველის სახელობის სახელმწიფო უნივერსიტეტი. გაიარა რეზიდენტურა თერაპიულ სტომატოლოგიაში. არის საქართველოს სტომატოლოგთა ასოციაციის წევრი და არაერთი პროფესიული კონგრესისა და მასტერკლასის მონაწილე.
პროფესიული გამოცდილება: ინოვაციური მედიცინის ცენტრ „როგოს“ გუნდის წევრია კლინიკის დაარსების დღიდან.

თეა მიქანაძე არის მაღალკვალიფიციური ექიმი-ალერგოლოგი, 2007 წლიდან პრაქტიკული მუშაობის გამოცდილებით. მისი პროფესიული მიდგომა ემყარება ალერგიული დაავადებების მართვის უახლეს, საერთაშორისო გაიდლაინებსა და მტკიცებულებებზე დაფუძნებულ მედიცინას. ის მუდმივად ზრუნავს კვალიფიკაციის ამაღლებაზე, რაც დასტურდება მის მიერ არაერთ საერთაშორისო კონგრესსა თუ ტრენინგში მონაწილეობით.
ძირითადი მიმართულებები:
ბრონქული ასთმა
ალერგიული რინიტი
ურტიკარია (ჭინჭრის ციება)
ატოპიური დერმატიტი
განათლება და კვალიფიკაცია: 2006 წელს დაამთავრა აკაკი წერეთლის სახელობის სახელმწიფო უნივერსიტეტის სამკურნალო ფაკულტეტი. ფლობს სახელმწიფო სერტიფიკატს ალერგოლოგიასა და იმუნოლოგიაში. არის მსოფლიო ალერგოლოგთა ორგანიზაციის (WAO), ამერიკის ალერგიის, ასთმისა და იმუნოლოგიის კოლეჯის, ასთმისა და COPD-ის ევროპის კონგრესისა და სხვა მრავალი საერთაშორისო სამეცნიერო ღონისძიების მონაწილე.
პროფესიული გამოცდილება: აქვს სამედიცინო სფეროში მუშაობის მრავალწლიანი გამოცდილება. 2007 წლიდან დღემდე მოღვაწეობდა ბათუმის წამყვან კლინიკებში, მათ შორის ბათუმის რესპუბლიკურ კლინიკურ საავადმყოფოში, ინფექციური პათოლოგიის, შიდსისა და ტუბერკულოზის ცენტრსა და სხვა სამედიცინო დაწესებულებებში

ინგა კირაკოზოვასთვის პატარა პაციენტებზე ზრუნვა ყველაზე მნიშვნელოვანი საქმეა. მისი მრავალწლიანი გამოცდილება და პროფესიული სიყვარული მედიცინისადმი უზრუნველყოფს გარემოს, სადაც ბავშვების ჯანმრთელობა საიმედო ხელშია. ინგა მზად არის გაგიზიაროთ სასარგებლო რჩევები და დაგეხმაროთ თქვენთვის საინტერესო ყველა სამედიცინო საკითხის გარკვევაში.
ძირითადი მიმართულებები:
ბავშვთა კარდიოლოგია და რევმატოლოგია.
პედიატრიული ზედამხედველობა და მკურნალობა.
ბავშვთა ჯანმრთელობის პრევენციული მართვა და კონსულტაცია.
განათლება და კვალიფიკაცია: მისი პროფესიული მოგზაურობა 2000 წელს დაიწყო. დაამთავრა დნეპროპეტროვსკის სახელმწიფო სამედიცინო უნივერსიტეტი. წარჩინებით გაიარა ინტერნატურა და მაგისტრატურა პედიატრიის სპეციალობით.
პროფესიული გამოცდილება: 2011 წლიდან მოღვაწეობდა ქალაქ დნეპრის ბავშვთა რეგიონულ საავადმყოფოში პედიატრისა და ბავშვთა კარდიორევმატოლოგის პოზიციაზე. მიღებულმა ფასდაუდებელმა გამოცდილებამ საშუალება მისცა დაეკავებინა ამავე საავადმყოფოს პედიატრიის მაღალსპეციალიზებული განყოფილების ხელმძღვანელისა და მოგვიანებით, პედიატრიის სამედიცინო დირექტორის საპასუხისმგებლო თანამდებობები.

ირინე დავითაძე არის კლინიკა „როგოს“ თერაპიული მიმართულების ხელმძღვანელი, მრავალწლიანი პროფესიული გამოცდილებით. მისი პროფესიული ხედვაა, უზრუნველყოს პაციენტებისთვის სრულყოფილი თერაპიული ზრუნვა, რომელიც მოიცავს როგორც დაავადებების პრევენციას, ისე ურთულესი კლინიკური შემთხვევების წარმატებით მართვას თანამედროვე, აპრობირებული მეთოდებით.
ძირითადი მიმართულებები:
კბილების თერაპიული და მაღალესთეტიკური რესტავრაცია.
ენდოდონტია (კბილის არხების მკურნალობა თანამედროვე მეთოდებით).
ბავშვთა და მოზარდთა თერაპიული სტომატოლოგია.
არაკარიესული დაზიანებების დიაგნოსტიკა და მკურნალობა.
კბილების პროფესიონალური ჰიგიენა და გათეთრება.
განათლება და კვალიფიკაცია: 2001 წელს დაამთავრა ბათუმის შოთა რუსთაველის სახელობის სახელმწიფო უნივერსიტეტის სამედიცინო ფაკულტეტი, სტომატოლოგიის სპეციალობით. გავლილი აქვს კვალიფიკაციის ასამაღლებელი კურსი ბავშვთა და მოზარდთა თერაპიულ სტომატოლოგიაში.
პროფესიული გამოცდილება: აქვს სტომატოლოგიურ სფეროში მუშაობის 2008 წლიდან დაგროვილი გამოცდილება. 2019 წლიდან ხელმძღვანელობს ინოვაციური მედიცინის ცენტრ „როგოს“ თერაპიულ განყოფილებას.

ლანა ბესელიას პროფესიული მიდგომა აერთიანებს თერაპიული სტომატოლოგიისა და ქირურგიული მიმართულებების ღრმა ცოდნას. მისი მთავარი მიზანია, პაციენტებს შესთავაზოს კომპლექსური მკურნალობა, რომელიც ეფუძნება თანამედროვე კვლევებსა და პრაქტიკულ გამოცდილებას.
ძირითადი მიმართულებები:
თერაპიული სტომატოლოგია.
პაროდონტოლოგიის საბაზისო და პერიოქირურგიული კურსი.
ამბულატორიული პირის ღრუს ქირურგია.
კბილების ესთეტიკური რესტავრაცია.
განათლება და კვალიფიკაცია: 2018 წელს დაამთავრა თბილისის სახელმწიფო სამედიცინო უნივერსიტეტი. კვალიფიკაცია გაიარა სტომატოლოგიურ კლინიკასა და სასწავლო-კვლევით ცენტრ „უნიდენტში“. გავლილი აქვს სპეციალიზებული კურსები პაროდონტოლოგიასა და პერიოქირურგიაში, ასევე ფლობს სუბსპეციალობას პირის ღრუს ქირურგიაში. არის აჭარის პაროდონტოლოგთა ასოციაციის წევრი.
პროფესიული გამოცდილება: საქმიანობდა რეზიდენტთა უმცროს მენტორად სასწავლო-კვლევით ცენტრ „უნიდენტში“. 2021-2024 წლებში მუშაობდა მინდია ვარშანიძის სტომატოლოგიურ კლინიკაში „ემ დენტი“, თერაპევტ-ქირურგის პოზიციაზე. ინოვაციური მედიცინის ცენტრ „როგოს“ გუნდს 2024 წლის ნოემბერში შემოუერთდა.

ლია მაკარაძის პროფესიული საქმიანობა ემყარება მყარ საერთაშორისო განათლებასა და მრავალწლიან პრაქტიკულ გამოცდილებას. მისი მთავარი მიზანია, უზრუნველყოს უმაღლესი სიზუსტის დიაგნოსტიკური კვლევები, რაც წარმოადგენს ნებისმიერი წარმატებული მკურნალობის აუცილებელ პირველ ეტაპს.
ძირითადი მიმართულებები:
ულტრაბგერითი დიაგნოსტიკა (ექოსკოპია).
რენტგენოლოგიური კვლევების ინტერპრეტაცია.
მუცლის ღრუსა და მცირე მენჯის ორგანოების ულტრაბგერითი კვლევა.
ფარისებრი ჯირკვლის, სარძევე ჯირკვლებისა და რბილი ქსოვილების ექოსკოპია.
განათლება და კვალიფიკაცია: 2005 წელს დაამთავრა ბათუმის შოთა რუსთაველის სახელობის სახელმწიფო უნივერსიტეტის სამკურნალო ფაკულტეტი. 2008-2010 წლებში გაიარა ორდინატურა რადიოლოგიაში, ქალაქ კიევის პ.ლ. შუპიკის სახელობის დიპლომისშემდგომი განათლების ეროვნულ აკადემიაში. პროფესიული განვითარების მიზნით, აქტიურად მონაწილეობს კონფერენციებსა და ტრენინგებში.
პროფესიული გამოცდილება: 2011-2019 წლებში მუშაობდა კლინიკა „პარაცელსში“ ექიმ-რადიოლოგად. 2017 წლიდან დღემდე მოღვაწეობს პოლიკლინიკათა ქსელ „ევექსში“. ინოვაციური მედიცინის ცენტრ „როგოს“ გუნდს 2019 წელს შემოუერთდა.

მაია მგელაძის პროფესიული საქმიანობა ეფუძნება უახლეს საერთაშორისო სტანდარტებსა და მუდმივ სწრაფვას განვითარებისკენ. მისი მთავარი მიზანია, პაციენტებს შესთავაზოს მსოფლიოს წამყვან კლინიკებში აპრობირებული, თანამედროვე მეთოდებით მკურნალობა, რაც დასტურდება მის მიერ არაერთ საერთაშორისო კონგრესსა თუ მასტერკლასში მონაწილეობით.
ძირითადი მიმართულებები:
თერაპიული სტომატოლოგია.
ენდოდონტია (არხების მკურნალობა) თანამედროვე მეთოდებით (Style Italiano).
კბილების ესთეტიკური რესტავრაცია.
ამბულატორიული პირის ღრუს ქირურგია.
განათლება და კვალიფიკაცია: 2019 წელს დაამთავრა თბილისის სახელმწიფო სამედიცინო უნივერსიტეტი. რეზიდენტურა გაიარა „უნიდენტის“ ბაზაზე თერაპიულ სტომატოლოგიაში. ფლობს სახელმწიფო სერტიფიკატებს როგორც თერაპიულ, ისე პირის ღრუს ქირურგიულ სტომატოლოგიაში.
კვალიფიკაცია აიმაღლა ევროპის წამყვან უნივერსიტეტებსა და ცენტრებში, მათ შორის:
საზაფხულო სტაჟირება ლოძის სამედიცინო უნივერსიტეტში (პოლონეთი).
სასწავლო კურსი ჩარლზის უნივერსიტეტში (ჩეხეთი).
„Style Italiano“-ს მასტერკლასი ენდოდონტიაში (მილანი, იტალია).
არის მსოფლიო სტომატოლოგიური ფედერაციის (FDI) და Style Italiano-ს საერთაშორისო კონგრესების აქტიური მონაწილე.

მანანა ამაღლობელის პროფესიული საქმიანობა ეფუძნება მყარ სამედიცინო განათლებასა და ესთეტიკური მედიცინის სფეროში მრავალწლიან გამოცდილებას. მისი, როგორც დარგის წამყვანი ასოციაციების სრულუფლებიანი წევრის, მთავარი მიზანია, პაციენტებს შესთავაზოს უსაფრთხო, ეფექტური და მსოფლიო სტანდარტების შესაბამისი მომსახურება.
ძირითადი მიმართულებები:
დერმატო-კოსმეტოლოგია და ესთეტიკური მედიცინა.
კანის ასაკობრივი ცვლილებების კორექცია.
Aptos-ის ძაფებით ლიფტინგი.
საინექციო კოსმეტოლოგია.
კანის დაავადებების დიაგნოსტიკა და მკურნალობა.
განათლება და კვალიფიკაცია: 2009 წელს დაამთავრა ბათუმის შოთა რუსთაველის სახელობის სახელმწიფო უნივერსიტეტის ჯანდაცვის ფაკულტეტი, სამკურნალო საქმის სპეციალობით. 2013 წელს გაიარა დიპლომისშემდგომი განათლება დერმატო-ვენეროლოგიის მიმართულებით და ფლობს სახელმწიფო სერტიფიკატს ამავე სპეციალობაში. კვალიფიკაცია აიმაღლა კლინიკა „მედიში“ ესთეტიკური, ქირურგიული და დერმატო-კოსმეტოლოგიის განხრით, ასევე გავლილი აქვს Aptos-ის ძაფებით ლიფტინგის სასწავლო კურსი. არის საქართველოს ესთეტიკური მედიცინის საზოგადოებისა და საქართველოს ფოტოდერმატოლოგიისა და კანის კიბოს ასოციაციის სრულუფლებიანი წევრი.
პროფესიული გამოცდილება: 2017-2023 წლებში მოღვაწეობდა კლინიკა „მედიში“ დერმატო-კოსმეტოლოგის პოზიციაზე. 2023 წლიდან არის ინოვაციური მედიცინის ცენტრ „როგოს“ გუნდის წევრი.

მარიამ არველაძის პროფესიული საქმიანობის მთავარი ფოკუსი ენდოდონტია და კბილების შენარჩუნებაა. მისი მიზანია, პაციენტებს შესთავაზოს მკურნალობა, რომელიც ეფუძნება მსოფლიო კლასის სპეციალისტებისგან (იტალია, იაპონია, თურქეთი) მიღებულ ცოდნასა და უახლეს საერთაშორისო პროტოკოლებს.
ძირითადი მიმართულებები:
ენდოდონტია (არხების მკურნალობა) თანამედროვე მეთოდებით.
კბილების პირდაპირი ესთეტიკური რესტავრაცია.
ენდო-პერიო დაზიანებების მართვა.
ოკლუზიური ტრავმების მართვა პაროდონტის დაავადებების მქონე პაციენტებში.
განათლება და კვალიფიკაცია: 2015 წელს დაამთავრა უმაღლესი სამედიცინო სკოლა „აიეტი“. კვალიფიკაცია გაიარა სტომატოლოგიის ცენტრ „ალბიუსში“, მათ შორის „ალბიუსის“ ენდოდონტიის საერთაშორისო სკოლაში. გავლილი აქვს არაერთი საერთაშორისო მასტერკლასი და ტრენინგი ისეთ აღიარებულ სპეციალისტებთან, როგორებიც არიან Dr. Massimo Giovarruscio, Dr. Michael Solomonov, Dr. Yoshi Terauchi და Dr. Kaplan Sheudzen. არის „Style Italiano Endodontics“-ის საერთაშორისო კონგრესის მონაწილე.
პროფესიული გამოცდილება: 2019 წლიდან არის ინოვაციური მედიცინის ცენტრ „როგოს“ გუნდის წევრი, ექიმი-თერაპევტისა და ენდოდონტის პოზიციაზე.

მირანდა თურმანიძის პროფესიული საქმიანობა გამოირჩევა მრავალმხრივი კვალიფიკაციით, რომელიც აერთიანებს როგორც თერაპიულ, ისე ქირურგიულ სტომატოლოგიას. მისი მთავარი მიზანია, მუდმივად განვითარდეს პროფესიულად და პაციენტებს შესთავაზოს მკურნალობა, რომელიც ეფუძნება ყოველწლიურ სტომატოლოგიურ კონგრესებსა და მასტერკლასებზე მიღებულ უახლეს ცოდნას.
ძირითადი მიმართულებები:
თერაპიული სტომატოლოგია.
ამბულატორიული პირის ღრუს ქირურგია.
კბილების ესთეტიკური რესტავრაცია.
ენდოდონტიური მკურნალობა.
განათლება და კვალიფიკაცია: გაიარა რეზიდენტურა თერაპიულ სტომატოლოგიაში სასწავლო ცენტრ „უნიდენტში“ (თბილისი) და პირის ღრუს ქირურგიაში კლინიკა „დენტივერში“ (თბილისი). პროფესიული ცოდნის გაღრმავების მიზნით, ყოველწლიურად ესწრება სტომატოლოგიურ კონგრესებს, ლექციებსა და მასტერკლასებს.

ნათია ქოქოლაძის მთავარი პროფესიული მიზანია, პატარა პაციენტებისთვის შექმნას პოზიტიური და სტრესისგან თავისუფალი სტომატოლოგიური გამოცდილება. მისი მრავალმხრივი კვალიფიკაცია და სპეციალიზებული გამოცდილება ბავშვთა სტომატოლოგიაში უზრუნველყოფს მკურნალობას, რომელიც სრულად არის მორგებული ახალგაზრდა პაციენტების საჭიროებებზე.
ძირითადი მიმართულებები:
ბავშვთა და მოზარდთა თერაპიული სტომატოლოგია.
კარიესის მკურნალობა და პროფილაქტიკა ბავშვებში.
ბავშვებში სტომატოლოგიური შიშების დაძლევაზე მუშაობა.
ამბულატორიული პირის ღრუს ქირურგია ბავშვთა ასაკში.
განათლება და კვალიფიკაცია: სამედიცინო განათლება მიიღო უნივერსიტეტ „გეომედში“ (2007-2012). 2012-2014 წლებში გაიარა რეზიდენტურა თერაპიულ სტომატოლოგიაში. დამატებით გავლილი აქვს სპეციალიზებული მინი-რეზიდენტურა ბავშვთა სტომატოლოგიასა (2015) და პირის ღრუს ქირურგიულ სტომატოლოგიაში (2019).
პროფესიული გამოცდილება: პროფესიული კარიერა დაიწყო სტომატოლოგიურ კლინიკა „ინდიგოში“, რის შემდეგაც საქმიანობა განაგრძო ბავშვთა სტომატოლოგიურ კლინიკა „ლოლიპოპში“. 2019 წლიდან დღემდე არის ინოვაციური სტომატოლოგიისა და ზოგადი მედიცინის ცენტრ „როგოს“ გუნდის წევრი.

ნატო ნაკაშიძის მთავარი პროფესიული მისიაა კლინიკაში ეპიდემიოლოგიური უსაფრთხოების უმაღლესი სტანდარტების დანერგვა და მართვა. მისი მრავალწლიანი გამოცდილება საზოგადოებრივი ჯანდაცვისა და ინფექციების კონტროლის მიმართულებით უზრუნველყოფს გარემოს, სადაც თითოეული პაციენტის ჯანმრთელობა და უსაფრთხოება მაქსიმალურად არის დაცული.
ძირითადი მიმართულებები:
სამედიცინო მომსახურებასთან ასოცირებული ინფექციების პრევენცია და კონტროლი.
სტომატოლოგიურ დაწესებულებებში ინფექციური კონტროლის პროტოკოლების მართვა.
ეპიდემიოლოგიური ზედამხედველობა და ბიოლოგიური საფრთხეების შემცირება.
სამედიცინო პერსონალის მენტორინგი და სწავლება ჰიგიენის საერთაშორისო სტანდარტების დაცვაში.
განათლება და კვალიფიკაცია: სამედიცინო განათლება მიიღო ბათუმის შოთა რუსთაველის სახელობის სახელმწიფო უნივერსიტეტში პროფილაქტიკური მედიცინის განხრით (1992-1998). ნატო ფლობს ამერიკის შეერთებული შტატების საველე ეპიდემიოლოგიური და ლაბორატორიული სწავლების კურსის (FELTP) უმაღლეს აკადემიურ ხარისხს (Advanced Level). გავლილი აქვს არაერთი საერთაშორისო ტრენინგი ჯანმო-ს (WHO) და დაავადებათა კონტროლის ცენტრის (CDC) ეგიდით.
პროფესიული გამოცდილება: ფლობს მრავალწლიან გამოცდილებას საზოგადოებრივი ჯანდაცვის სფეროში, სადაც წლების განმავლობაში იკავებდა წამყვან პოზიციებს აჭარის საზოგადოებრივი ჯანდაცვის ცენტრში. 2020 წლიდან ნატო ნაკაშიძე არის ინოვაციური სტომატოლოგიისა და ზოგადი მედიცინის ცენტრ „როგოს“ გუნდის წევრი და ეპიდემიოლოგიური მიმართულების ხელმძღვანელი

თბილისის სახელმწიფო სამედიცინო ინსტიტუტისა და კლინიკური ორდინატურის დამთავრების შემდეგ 2024 წლამდე მუშაობდა საუნივერსიტეტო კლინიკის ყბა -სახის ქირურგიულ დეპარტამენტში ექიმ-ორდინატორად . აქვს 30 წლიანი სტაციონარული მუშაობის გამოცდილება. იგი კლინიკა ,,როგოს’’ შემოუერთდა 1 წლის წინ. ნინო აზიკურს აქვს ყბა-სახის მიდამოს სხვადასხვა პათოლოგიების (მოტეხილობების, ჩირქოვანი პროცესების, კეთილთვისებიანი სიმსივნეების, კისტების, ჰაიმორიტების, თანდაყოლილი დეფექტების და ა.შ.) ქირურგიული მკურნალობის დიდი გამოცდილება.
ძირითადი მიმართულებები
რთული ექსტრაქციები
პირის ღრუს კეთილთვისებიანი სიმსივნეები ოპერაციული მკურნალომა
სანერწყვე ჯირკვლების, კისტების, ჰაიმორიტების ოპერაციული მკურნალობა
პირის ღრუს პათოლოგიების მკურნალობა ონკოლოგიურ პაციენტებში
განათლება და კვალიფიკაცია
თბილისის სახელმწიფო სამედიცინო ინსტიტუტი
თბილისის ექიმთა დახელოვნების ინსტიტუტის კლინიკური ორდინატურა
კვალიფიკაციები და ტრენინგები ევროპის კლინიკებში
საქართველოს ყბა- სახის ქირურგთა და სტომატოლოგთა ასოციაციის წევრი
ევროპის ყბა-სახის ქირურგთა ასოციაციის წევრი
სამი საავტორო უფლების და 10 სამეცნიერო ნაშრომის ავტორი
პროფესიული გამოცდილება
თბილისის ექიმთა დახელოვნების ინსტიტუტის კათედრის კლინიკური ორდინატორი
თბილისის მე-4 კლინიკური საავადმყოფოს ყბა-სახის ქირურგი
თბილისის პირველი საუნივერსიტეტო კლინიკის ყბა-სახის ქირურგი
სტომატოლოგიური კლინიკა ,,დენსის“ ყბა-სახის ქირურგი
თბილისის კლინიკა ,,სი ეს აი“ ყბა-სახის ქირურგი - იმპლანტოლოგი
ბათუმის კლინიკა ,,როგოს“ ყბა-სახის ქიირურგი

სოფიო კიკალიშვილის პროფესიული საქმიანობის საფუძველი პაციენტების ღიმილზე მრავალწლიანი ზრუნვა და მკურნალობის თანამედროვე მეთოდების ფლობაა. მისი გამოცდილება თერაპიულ სტომატოლოგიაში, რომელიც მოიცავს ურთულეს ენდოდონტიურ მანიპულაციებს, უზრუნველყოფს პაციენტებისთვის ხარისხიან და საიმედო შედეგს.
ძირითადი მიმართულებები:
თერაპიული სტომატოლოგია.
მიკროსკოპული ენდოდონტია (არხების მკურნალობა მიკროსკოპით).
რთული ენდოდონტიური შემთხვევების მართვა (არხიდან ინსტრუმენტის ამოღება).
კბილების ესთეტიკური რესტავრაცია.
განათლება და კვალიფიკაცია: სამედიცინო განათლება მიიღო თბილისის დამოუკიდებელ უნივერსიტეტ „გორგასალში“ (2000-2005 წწ.). 2005-2006 წლებში გაიარა რეზიდენტურის კურსი თბილისის სახელმწიფო უნივერსიტეტში. სოფიო მუდმივად მონაწილეობს საერთაშორისო კონგრესებსა და პროფესიულ ტრენინგებში, მათ შორის:
2017 წ: Reciproc - One File Endo (ენდოდონტიური სწავლება).
2023 წ: მიკროსკოპით მკურნალობის სიღრმისეული კურსი.
2024 წ: არხიდან ინსტრუმენტის ამოღების სპეციალიზებული კურსი.
პროფესიული გამოცდილება: სოფიო კიკალიშვილს აქვს პრაქტიკული მუშაობის მდიდარი გამოცდილება. 2007 წლიდან 2018 წლამდე ის მოღვაწეობდა ბათუმის კლინიკა „Royal Dent +“-ში. 2019 წლიდან დღემდე კი ინოვაციური სტომატოლოგიისა და ზოგადი მედიცინის ცენტრ „როგოს“ გუნდის წევრია.

ანიტა ქათამაძის საქმიანობის საფუძველი ბავშვთა ჯანმრთელობაზე ზრუნვა და უახლესი სამედიცინო სტანდარტების დანერგვაა. საერთაშორისო ჰოსპიტალურ სექტორში მიღებული პრაქტიკა და აკადემიური მოღვაწეობა განაპირობებს მის მაღალ კვალიფიკაციას პედიატრიულ და გადაუდებელ მედიცინაში. იგი აქტიურ აკადემიურ საქმიანობასაც ეწევა და არის Bau International University-ის მიწვეული ლექტორი.
ექიმის პროფესიული გამოცდილება მოიცავს მუშაობას პედიატრიულ კლინიკა „ბეიბიმედში“ პედიატრიული მიმართულებით და თურქეთში, კერძოდ სამსუნის Buyuk Anadolu Hospital-ში. გარდა ამისა, მას აქვს გადაუდებელი დახმარებისა და ჰემატოლოგიის მიმართულებით მუშაობის გამოცდილება ქირურგიის ეროვნულ ცენტრსა და კლინიკა „ახალ სიცოცხლეში“.
ანიტა ქათამაძემ უმაღლესი განათლება 2015-2021 წლებში თბილისის სახელმწიფო სამედიცინო უნივერსიტეტის მედიცინის ფაკულტეტზე მიიღო. მოგვიანებით მან სწავლა განაგრძო თსსუ-ის დიპლომისშემდგომი სამედიცინო განათლების და უწყვეტი პროფესიული განვითარების ინსტიტუტში, სადაც გაიარა სარეზიდენტო პროგრამა პედიატრიის სპეციალობით.

ეკატერინე ჯუღელის პროფესიული ხედვა ეფუძნება თანამედროვე ციფრული ტექნოლოგიების სრულყოფილად გამოყენებას. მას სჯერა, რომ მკურნალობის პროცესში დანერგილი ციფრული პროტოკოლი იძლევა უზუსტეს შედეგს, სიზუსტე კი, თავის მხრივ, შესრულებული სამუშაოს ხარისხსა და ხანგრძლივობას განაპირობებს.
ძირითადი მიმართულებები:
• ციფრული ორთოპედია (CEREC სისტემით მუშაობა).
• კბილების ესთეტიკური და ფუნქციური აღდგენა უმაღლესი ხარისხის კერამიკული რესტავრაციებით (ვინირები, გვირგვინები, ჩანართები).
• ღეჭვითი ფუნქციის რეაბილიტაცია იმპლანტებზე დაყრდნობით.
• სრულიად ციფრული სამუშაო პროცესის (Workflow) მართვა.
განათლება და კვალიფიკაცია: დაამთავრა თბილისის სახელმწიფო სამედიცინო უნივერსიტეტი, ორთოპედიული სტომატოლოგიის მიმართულებით. პროფესიული ცოდნის გაღრმავების მიზნით, რეგულარულად ესწრება ლექცია-მასტერკლასებს როგორც საქართველოში, ისე მის ფარგლებს გარეთ. "როგოს" გუნდს 2021 წელს შემოუერთდა

ლუკა ქიქავა არის მაღალკვალიფიციური ანესთეზიოლოგი, რომლის მთავარ მოვალეობას პაციენტის უსაფრთხოების სრული უზრუნველყოფა წარმოადგენს. მისი პროფესიული საქმიანობა მოიცავს პრეოპერაციულ მომზადებას, ინტრაოპერაციულ და ოპერაციის შემდგომ მართვას, პაციენტის სასიცოცხლო ფუნქციების სტაბილურობის შენარჩუნებასა და ნებისმიერი შესაძლო გართულების პრევენციასა თუ მართვას.
ექიმმა უმაღლესი განათლება თბილისის სახელმწიფო სამედიცინო უნივერსიტეტში მიიღო. მოგვიანებით მან გაიარა „ევექსის ჰოსპიტლების“ დიპლომისშემდგომი პროგრამა ანესთეზიოლოგიასა და რეანიმატოლოგიაში. პროფესიული კვალიფიკაციის ამაღლების მიზნით, ლუკა ქიქავამ სტაჟირება გაიარა ხარკოვის სამედიცინო აკადემიაში (Kharkov Medical Academy of Postgraduate Education).
მისი მრავალმხრივი კლინიკური პრაქტიკა, მათ შორის ნეირორეანიმაციის მიმართულებით, განაპირობებს პაციენტთა მკურნალობის მაღალ სტანდარტს. ლუკა ქიქავას გამოცდილება და პროფესიონალიზმი „როგოს“ გუნდისთვის მნიშვნელოვან დასაყრდენს წარმოადგენს რთული სამედიცინო მანიპულაციების უსაფრთხოდ განხორციელების პროცესში.

მაგდა ბერიძე არის მაღალკვალიფიციური ანესთეზიოლოგ-რეანიმატოლოგი, რომელსაც სამედიცინო სფეროში მოღვაწეობის 10 წელზე მეტი გამოცდილება აქვს. მისი პროფესიული საქმიანობა ორიენტირებულია პაციენტთა უსაფრთხოებაზე, კრიტიკული მდგომარეობების მართვასა და თანამედროვე ანესთეზიოლოგიური სტანდარტების დანერგვაზე. ექიმის მრავალწლიანი პრაქტიკული გამოცდილება უზრუნველყოფს სამედიცინო მანიპულაციების მაღალ ხარისხს, რაც სასიცოცხლოდ მნიშვნელოვანია ჩვენი კლინიკის ქირურგიული მიმართულებებისთვის.
ექიმმა პროფესიული სპეციალიზაცია საერთაშორისო დონეზე მიიღო. 2015 წელს მან წარმატებით დაასრულა რეზიდენტურის კურსი სანკტ-პეტერბურგის სახელმწიფო პედიატრიულ სამედიცინო უნივერსიტეტში. იმავე წლიდან მაგდა ბერიძეს მინიჭებული აქვს სახელმწიფო სერტიფიკატი ნებადართული სპეციალობით - ანესთეზიოლოგია და რეანიმატოლოგია.
საერთაშორისო აკადემიური ბაზისი და კლინიკური პრაქტიკა მას საშუალებას აძლევს, ეფექტურად მართოს სხვადასხვა სირთულის შემთხვევები. ინოვაციური მედიცინის ცენტრ „როგოს“ გუნდში მისი მოღვაწეობა პაციენტებისთვის უსაფრთხო და კომფორტული სამედიცინო მომსახურების გარანტიაა.

სოფია პამბას პროფესიული საქმიანობის მთავარი მიზანია, იზრუნოს პატარა პაციენტების ჯანსაღ ღიმილზე და მათთვის შექმნას მეგობრული და კომფორტული გარემო. მისი სპეციალიზებული განათლება და ფოკუსირებული გამოცდილება ბავშვთა სტომატოლოგიაში უზრუნველყოფს მკურნალობის პროცესის ეფექტურად და პოზიტიურად წარმართვას.
ძირითადი მიმართულებები:
• ბავშვთა და მოზარდთა თერაპიული სტომატოლოგია.
• სარძევე და მუდმივი კბილების კარიესის მკურნალობა და პროფილაქტიკა.
• ბავშვებში სტომატოლოგიური შიშების მართვა და ადაპტაცია.
• კბილების პროფილაქტიკური პროცედურები.
განათლება და კვალიფიკაცია: სამედიცინო უნივერსიტეტში სწავლა დაიწყო 2012 წელს. 2018-2019 წლებში გაიარა რეზიდენტურა ბავშვთა და მოზრდილთა სტომატოლოგიაში, ქალაქ თბილისის კლინიკა „ალბიუსის“ ბაზაზე.
პროფესიული გამოცდილება: 2020-2022 წლებში აქტიურად მოღვაწეობდა ბავშვთა და მოზრდილთა თერაპიული სტომატოლოგიის მიმართულებით ქალაქ თბილისში, კლინიკა „დენსში“. ინოვაციური მედიცინის ცენტრ „როგოს“ გუნდს 2023 წელს შემოუერთდა.

ქეთევან მიქელაძის პროფესიული საქმიანობა უნიკალურად აერთიანებს კლინიკურ პრაქტიკასა და აქტიურ სამეცნიერო-კვლევით მუშაობას. მისი, როგორც ივანე ჯავახიშვილის უნივერსიტეტის დოქტორანტის, მიზანია თანამედროვე მედიცინის კვლევების ინტეგრირება ყოველდღიურ პრაქტიკაში, რაც პაციენტებისთვის უახლეს და მეცნიერულად დასაბუთებულ მკურნალობას უზრუნველყოფს.
ძირითადი მიმართულებები:
• მოზრდილთა თერაპიული სტომატოლოგია.
• მიკროსკოპული ენდოდონტია.
• მხატვრული (ესთეტიკური) რესტავრაცია.
განათლება და კვალიფიკაცია: დაამთავრა ბათუმის შოთა რუსთაველის სახელობის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტი, სტომატოლოგიის სპეციალობით. რეზიდენტურა გაიარა სასწავლო-კვლევით ცენტრ „უნიდენტში“. ამჟამად არის ივანე ჯავახიშვილის სახელობის თბილისის სახელმწიფო უნივერსიტეტის დოქტორანტი და მუშაობს სადოქტორო თემაზე: „კონტრაცეპტივების გავლენა პირის ღრუს ჯანმრთელობაზე“.
პროფესიული გამოცდილება: ფლობს სახელმწიფო სასერტიფიკაციო ლიცენზიას 2021 წლიდან. ინოვაციური მედიცინის ცენტრ „როგოს“ გუნდის წევრია 2021 წლიდან.

შორენა ჟოჟაძე არის მაღალი კვალიფიკაციის მქონე კარდიოლოგი და მედიცინის დოქტორი. მისი საქმიანობის ძირითად მიმართულებებს წარმოადგენს კარდიოლოგია, ელექტროკარდიოგრაფია (ეკგ), ექოკარდიოგრაფია, კარდიოექოსკოპია და სხივური დიაგნოსტიკა გულსისხლძარღვთა მედიცინის ფარგლებში. იგი რამდენიმე სამეცნიერო ნაშრომის ავტორი და საერთაშორისო სამეცნიერო კონფერენციების აქტიური მონაწილეა.
ექიმის პროფესიული გამოცდილება ათწლეულზე მეტს ითვლის. 2009 წლიდან 2019 წლამდე იგი მოღვაწეობდა კლინიკა „პარაცელსში“, ხოლო 2011 წლიდან დღემდე პარალელურად საქმიანობს კლინიკა „ინტერმედიკაში“. ინოვაციური მედიცინის ცენტრ „როგოს“ გუნდს შორენა ჟოჟაძე 2019 წელს შეუერთდა კარდიოლოგისა და ექოკარდიოგრაფიის ექიმის პოზიციაზე.
შორენა ჟოჟაძემ უმაღლესი განათლება ბათუმის შოთა რუსთაველის სახელმწიფო უნივერსიტეტის სამედიცინო ფაკულტეტზე მიიღო, რომელიც 2002 წელს წარჩინებით დაასრულა. 2002 წლიდან 2008 წლამდე მან გაიარა ორდინატურა და ასპირანტურა მოსკოვში, ა.ნ. ბაკულევის სახელობის გულსისხლძარღვთა ქირურგიის სამეცნიერო ცენტრში, კარდიოლოგიის სპეციალობით. 2008 წელს მან დაიცვა სადოქტორო დისერტაცია კარდიოლოგიისა და სხივური დიაგნოსტიკის მიმართულებით.